ru RU be BE zh-TW ZH-TW en EN

Калектыўны імунітэт -- праз вакцынацыю. Даведаліся, аб чым ішла размова на адзіным дні інфармавання

У працоўны калектыў ААТ “Орля” прыехала не толькі раённая, але і абласная інфармацыйна-прапагандысцкая група. Намеснік начальніка галоўнага ўпраўлення ідэалагічнай работы і па справах моладзі Гродзенскага аблвыканкама Ірына Сцепаненка вельмі пераканаўча і, што называецца, на жывых прыкладах раскрыла злабадзённую тэму сённяшняга адзінага дня інфармавання: “Вакцынацыя як эфектыўны спосаб супрацьдзеянню распаўсюджання каранавіруснай інфекцыі”. Дакладчыка падтрымала і галоўны санітарны ўрач Шчучынскага раёна Анастасія Круковіч, якая ўпэўнена: вакцынацыя – гэта адзіны спосаб спыніць СОVІD-19. Дарэчы, сярод удзельнікаў мерапрыемства было нямала тых, хто ўжо зрабіў прышчэпкі, клапоцячыся як пра ўласнае здароўе, так і здароўе сваіх блізкіх.

--  Увогуле ў нашым раёне супраць СОVІD-19 ужо вакцыніравана 4235 чалавек, амаль тысяча з іх – гэта людзі ва ўзросце за 60 год, -- адзначыла Анастасія Вячаславаўна. – Вакцынацыя праводзіцца ў Шчучынскай і Астрынскай паліклініках, амбулаторыях у Першамайску, Каменцы, Ражанцы, Дэмбраве, Орлі, працуюць і выязныя брыгады медыкаў. Пры неабходнасці выдаецца сертыфікат, што вы прайшлі вакцынацыю. А запісацца на прышчэпку можна і праз інтэрнэт -- на сайце Шчучынскай ЦРБ.

З 15 ліпеня ў нашай краіне на платнай аснове могуць прайсці вакцынацыю замежныя грамадзяне, а для жыхароў Беларусі гэта дапамога бясплатная. Паводле прагнозаў спецыялістаў, пандэмія будзе спынена, калі ва ўсім свеце атрымаюць прышчэпкі як мінімум 60% насельніцтва.

Яшчэ адно важнае пытанне, якое разглядалася на дні інфармавання, – садзеянне занятасці насельніцтва. Дырэктар тэрытарыяльнага цэнтра сацыяльнага абслугоўвання насельніцтва Шчучынскага раёна Святлана Шанчук адзначыла, што ў кіраўніцтва ААТ “Орля” наладжана цеснае супрацоўніцтва з раённай службай занятасці. А першы сакратар райкама БРСМ Алена Пратасевіч выказала словы ўдзячнасці за тое, што ў гэтай гаспадарцы заўжды прыязна адносяцца да другаснага працаўладкавання вучнёўскай моладзі падчас летніх канікулаў. Вось і зараз тут працуюць і маюць магчымасць зарабіць уласны рубель больш за два дзясятка рабят.

Надзвычай цёплым і эмацыянальным было выступленне  рэктара Гродзенскага абласнога інстытута развіцця адукацыі Святланы Сяргейкі, дарэчы, былой выпускніцы Орлеўскай школы. Святлана Антонаўна звярнула ўвагу землякоў на выхаванне маладога пакалення, на тое, як важна, каб дзеці чэрпалі інфармацыю не толькі з інтэрнэту, але і ў жывых гутарках са сваімі бацькамі, бабулямі і дзядулямі: ведалі гісторыю свайго роду і малой радзімы, раслі патрыётамі, як мага часцей з першых вуснаў чулі праўду аб мінулай вайне і тых сваяках, якія здабывалі для нас перамогу і мірнае неба над галавой.

Сітуацыю са злачыннасцю на тэрыторыі Орлеўскага сельсавета прааналізаваў начальнік аддзела аховы правапарадку і прафілактыкі РАУС Сяргей Асовік, адзначыўшы, што большасць злачынстваў адбываецца з-за бытавога п’янства, таму вельмі важна ўсім разам змагацца з гэтым сацыяльным злом, працаваць на прафілактыку. А першы намеснік начальніка Шчучынскага РАНС Артур Малмыга расказаў аб пажаранебяспечных сітуацыях у лясных масівах, папярэдзіў аб неабходнасці быць асцярожнымі на вадаёмах.

Інфармацыйна-прапагандысцкія групы сёння пабывалі ў працоўных калектывах РУП ЖКГ, раённага вузла сувязі, на Шчучынскай птушкафабрыцы. З работнікамі Жалудоцкага агракомплексу сустрэўся старшыня райвыканкама Аляксей Садоўскі. І ўсюды актуальная размова аб супрацьдзеянні каранавіруснай інфекцыі пашыралася яшчэ і да дыялогу на іншыя жыццёва важныя тэмы. Людзі мелі магчымасць напрамую задаць хвалюючыя пытанні, узняць злабадзённыя праблемы. У зваротнай сувязі, уменні пачуць і рэальна дапамагчы і ёсць глыбінны сэнс падобнага роду сустрэч.

Источник: dzyannica.by

 

Сайт Президента Республики Беларусь
МИНИСТЕРСТВО ЗДРАВООХРАНЕНИЯ РЕСПУБЛИКИ БЕЛАРУСЬ
Главное управление здравоохранения Гродненского облисполкома
ГРОДНЕНСКИЙ ОБЛАСТНОЙ ИСПОЛНИТЕЛЬНЫЙ КОМИТЕТ
Щучинский районный исполнительный комитет
Здоровый Гродно
Гуманитарное сотрудничество
Visa Free
Наши победы
Стоп Covid
Биометрические документы РБ
PORTAL RO V
Беларусы
Вместе победим Covid-19  EN
Вместе победим Covid-19  Ru
Гендерная статистика
День народного единства
ЭТАЛОН - ONLINE
ЗАНЯТОСТЬ НАСЕЛЕНИЯ
СОЦИАЛЬНО-ЭКОНОМИЧЕСКОЕ РАЗВИТИЕ
Вело. Движение
СПОРТИВНЫЕ СООРУЖЕНИЯ Карта сооружений  Онлайн карта спортивных сооружений Гродненской области
Щучинщина: вчера и сегодня
Парк активного отдыха «Коробчицкий Олимп»
Легенды Гродзеншчыны
Показатели достижения Целей устойчивого развития
КАЛЕНДАРЬ СОБЫТИЙ Schuchin
Августовский канал
Гродненщина вчера и сегодня
Республиканская акция
КАЛЕНДАРЬ КУЛЬТУРНЫХ СОБЫТИЙ
Туристическая привлекательность Гродненщины
2022 год исторической памяти
Кибербезопасность
Участник Интернет-премии ТИБО-2022
Славянский базар в Витебске
© 2022 УЗ "Щучинская ЦРБ"
.