В народном единстве - наша сила! В СШ №1 г.Щучина 15.09.2023 года прошёл Единый день информирования. Важные и актуальные темы накануне самого молодого государственного праздника нашей страны были подняты в течение единого информационного дня.
Важныя і актуальныя тэмы напярэдадні самага маладога дзяржаўнага свята нашай краіны былі падняты падчас адзінага дня інфармавання, які прайшоў у СШ № 1 горада Шчучына ў гэты чацвер.
Інфармацыйная група, у склад якой увайшлі намеснік старшыні Шчучынскага райвыканкама Таццяна Цюсіна, начальнік упраўлення па працы, занятасці і сацыяльнай абароне райвыканкама Андрэй Навіцкі, начальнік РАНС Аляксандр Малюгін, намеснік галоўнага ўрача ЦРБ Алеся Вайцешак і першы намеснік начальніка РАУС Сяргей Асовік, сустрэлася з працоўным калектывам навучальнай установы, адказала на пытанні і давяла актуальныя звесткі аб жыцці раёна і краіны.
Тэматыка адзінага дня інфармавання была прысвечана адзінству беларускага народа, як асноватворнаму фактару захавання і ўмацавання суверэнітэту і незалежнасці краіны. З дакладам па гэтай тэме выступіла Таццяна Цюсіна.
Падчас прамовы яна звярнула ўвагу на ўменне беларусаў аб’яднацца перад пагрозамі ў лёсавызначальныя для гісторыі народа моманты:
– Ключавое слова, якое характарызуе свята 17 верасня, – гэта адзінства. І сапраўды, калі мы ўзгадаем падзеі, якія адбываліся на працягу ўсёй гісторыі нашага народа, то прыходзіць разуменне, што беларусы заўсёды былі адзінымі. Яскравы прыклад – гэта перыяд з 1921 па 1939 год, калі, нягледзячы на паланізацыю, заходнія беларусы змаглі захаваць сваю культуру і самаідэнтычнасць, што прывяло ў верасні 1939 года да ўз’яднання раздзеленых частак краіны. Далей беларусам прыйшлося разам прайсці праз самае складанае выпрабаванне ў гісторыі – Вялікую Айчынную вайну. Перамога ў ёй была б немагчымая без усенароднага супраціву, мужнай барацьбы і самаадданасці беларусаў. Вялікую згуртаванасць і адзінства наш народ прадэманстраваў і ў пасляваенны перыяд, калі агульнымі сіламі прыйшлося аднаўляць краіну з руін, адбудоўваць гарады, заводы, школы, тэатры. І такое выпрабаванне беларусы прайшлі з годнасцю. Гэтыя падзеі адносна нядаўняга мінулага падкрэсліваюць важнасць народнага адзінства, якое ў крытычных сітуацыях ратавала беларусаў і працягвае ратаваць у сучасны перыяд.
Падчас дакладу прысутныя маглі падзяліцца сваім поглядам на гістарычныя падзеі і асэнсаваць іх уплыў на сучасны перыяд.
Сёння пра нацыянальнае адзінства беларусаў сведчаць шматлікія дасягненні ў эканамічным, спартыўным і духоўным жыцці. Здаўна наша зямля адзначалася сваёй міралюбнасцю, талерантнасцю і верацярпімасцю. Гэтыя слаўныя традыцыі продкаў мы працягваем і па сённяшні дзень, лічачы іх аднымі з найважнейшых фактараў нацыянальнага адзінства беларусаў.
Дзякуючы гістарычнаму шанцу, які выпаў беларускаму народу ў 1939 годзе, сёння мы маем сваю незалежную і суверэнную краіну. У свеце ёсць прыблізна 4 тысячы народнасцей і народаў. Разам з тым, сёння на нашай планеце налічваецца каля 200 агульнапрызнаных дзяржаў. Беларускаму народу пашчасціла мець сваю дзяржаўнасць, яна здабывалася пакаленнямі нашых продкаў у нялёгкім і пакручастым гістарычным кантэксце. Таму наш святы абавязак захоўваць Беларусь, памнажаць дабрабыт роднай зямлі і перадаць гэтае ганаровае права нашым нашчадкам. Толькі разам – у згодзе і міры мы зможам гэта зрабіць.
Таксама падчас адзінага дня інфармавання разглядаліся і іншыя тэмы. Так, з дакладам аб прафілактыцы пажараў выступіў Аляксандр Малюгін. Пра крымінальную абстаноўку ў раёне расказаў Сяргей Асовік. Тэму дыспансерызацыі і іншыя пытанні сферы аховы здароўя закранула ў сваім выступленні Алеся Вайцешак.
